போளூர் சட்டமன்றத் தொகுதியில் போட்டியிட பா.ம.க. விருப்பம்

திருவண்ணாமலை:

 

              சட்டசபை தேர்தலில் பாட்டாளி மக்கள் கட்சி தி.மு.க. கூட்டணியில் அங்கம் வகிக்கிறது. அந்த கட்சிக்கு 31 தொகுதிகள் ஒதுக்கப்பட்டுள்ளது. தற்போது எந்த தொகுதிகளில் போட்டியிடுவது என்பது குறித்து பா.ம.க. ஆலோசித்து வருகிறது. வெற்றி வாய்ப்புள்ள தொகுதிகள் குறித்து ஆய்வு செய்து வருகிறார்கள்.

            திருவண்ணாமலை மாவட்டம் போளூர் தொகுதியில் பா.ம.க. போட்டியிட விரும்புகிறது. கடந்த சட்டமன்ற தேர்தலில் பெரணமல்லூர் தொகுதியில் பா.ம.க. வெற்றி பெற்றது. தற்போது தொகுதி சீரமைப்பில் பெரணமல்லூர் தொகுதி கலைக்கப்பட்டு அதிலிருந்த 55 சதவீத பகுதி போளூர் தொகுதியில் சேர்க்கப்பட்டுள்ளது. மீதியுள்ள 45 சதவீதம் வந்தவாசி தொகுதியில் சேர்க்கப்பட்டது. இதனால் போளூர் தொகுதியில் வெற்றி வாய்ப்பு பிரகாசமாக உள்ளது என்று பா.ம.க. கருதுகிறது. மேலும் அங்கு வன்னியர்கள் அதிகம் இருப்பதால் போளூர் தொகுதியில் போட்டியிட பா.ம.க. விரும்புகிறது.

              எனவே தி.மு.க.விடம் போளூர் தொகுதியை பா.ம.க. கேட்டு பெறும் என்று தெரிகிறது. போளூர் தொகுதியில் போட்டியிட மாநில நிர்வாக குழு உறுப்பினர் ஜி.எஸ்.குமார், பெரணமல்லூர் எம்.எல்.ஏ. எதிரொலி மணியன், மாநில மகளிரணி துணை செயலாளர் சண்முக சுந்தரி ஆகியோர் விருப்ப மனு கொடுத்துள்ளனர். பா.ம.க. போளூர் தொகுதியை பெறும் பட்சத்தில் இவர்களில் ஒருவர் போட்டியிடுவார்கள் என்று தெரிகிறது. போளூர் பா.ம.க. நிர்வாகிகள் இத் தொகுதியை பெற வேண்டும் என்று மும்முரமாக வேலை செய்து வருகிறார்கள்.

1 1

கடலூர் மாவட்ட செய்திகள்

Read more...

பாமக சார்பில் போட்டியிட விரும்புபவர்கள் விருப்ப மனு விண்ணப்பிக்கலாம் : ஜி.கே.மணி

பாமக தலைவர் ஜி.கே.மணி வெளியிட்டுள்ள செய்தி அறிக்கையில்,

               "தமிழ்நாடு சட்டப்பேரவை தேர்தல் ஏப்ரல் 13ம் தேதி நடைபெறவுள்ளது. இத்தேர்தலில் பாமக சார்பில் போட்டியிட விரும்புபவர்கள் தைலாபுரம்  தோட்டத்திலுள்ள கட்சி அலுவலகத்தில் 3.3.2011 முதல் 7.3.2011 வரை விண்ணப்பிக்கலாம்.  இதற்கென உரிய படிவத்தில் ஒவ்வொரு தொகுதிக்கும்  10 ஆயிரம் செலுத்தி விண்ணப்பிக்கும்படி கேட்டுக்கொள்கிறேன்’’ என்று தெரிவித்துள்ளார்.  

கடலூர் மாவட்ட செய்திகள்

Read more...

2006-ல் தமிழக சட்டமன்ற உறுப்பினர்கள் - காஞ்சிபுரம் மாவட்டம்

காஞ்சிபுரம் மாவட்டம் - 9 தொகுதிகள் 

தி.மு.க - 4

பா.ம.க - 3

காங்கிரஸ் - 2

1. தா.மோ. அன்பரசன் (தி.மு.க.): ஆலந்தூர்
2. ராஜா (தி.மு.க.): தாம்பரம்
3. சங்கரி நாராயணன் (தி.மு.க.): அச்சரப்பாக்கம்
4. க. சுந்தர் (தி.மு.க.): உத்திரமேரூர்
5. காயத்ரிதேவி (காங்கிரஸ்): மதுராந்தகம்
6. யசோதா (காங்கிரஸ்): ஸ்ரீபெரும்புதூர்
7. மூர்த்தி (பா.ம.க.): திருப்போரூர்
8. ஆறுமுகம் (பா.ம.க.): செங்கல்பட்டு
9. கமலாம்பாள் (பா.ம.க.): காஞ்சிபுரம்

கடலூர் மாவட்ட செய்திகள்

Read more...

தற்போதைய சட்டமன்ற உறுப்பினர்கள் ஒரு பார்வை - கோ.க.மணி

கோ.க.மணி பாட்டாளி மக்கள் கட்சியின் மாநில தலைவராக பணியாற்றி வருகிறார்.

சேலம் மாவட்டம் மேட்டூர் அருகே உள்ள கோவிந்தபாடி கிராமத்தில் 06-03-1952ல் பிறந்தார். 1996, 2001 ஆகிய இருமுறை பெண்ணாகரம் சட்டமன்றத் தொகுதியிலிருந்தும், 2006ல் மேட்டூர் சட்டமன்றத் தொகுதியிலிருந்தும்தமிழக சட்டபேரவை உறுப்பினராக பணியாற்றி வருகிறார். இவர் மகன் தமிழ்குமரன் மக்கள் தொலைக்காட்சி இயக்குநராக பணியாற்றி வருகிறார்.

கடலூர் மாவட்ட செய்திகள்

தொகுதி	மேட்டூர்
அரசியல் கட்சி	பாட்டாளி மக்கள் கட்சி

Read more...

அன்புமணி தலைமையில் ஆட்சி: ராமதாஸ்

                     

                  இரண்டரை கோடி வன்னியர்கள் கொண்ட தமிழகத்தில், அன்புமணி தலைமையில் ஆட்சி அமைய வேண்டும் என, பா.ம.க., நிறுவனர் ராமதாஸ் கூறினார். பா.ம.க., சார்பில் மேட்டூர் சட்டசபை தொகுதி இளைஞர், இளம் பெண்களுக்கான பயிற்சி முகாம், மேச்சேரியில் நடைபெற்றது. 

இந்த முகாமுக்கு தலைமை வகித்து பேசிய பா.ம.க., நிறுவனர் ராமதாஸ்,

                       இன்றைய இளைஞர்கள் சினிமாக்காரர்களுக்கு ஓட்டு போட்டு தறி கெட்டு போகின்றனர். தந்தை, சகோதரர்களுடன் சேர்ந்து மது அருந்துகின்றனர். டிவியில் ஒளிபரப்பும் மாமியாரை பழி வாங்குவது, மருமகளை கொலை செய்வது போன்ற வன்முறை காட்சியைப் பார்த்து கெட்டு போகின்றனர்.

                    தமிழகத்தில் இரண்டரை கோடி வன்னியர்கள் உள்ளனர். நான் மருத்துவக் கல்லூரியில் படிக்கும் போது, என்னுடன் மூன்று வன்னியர்கள் மட்டுமே படித்தனர். என் மகன் படிக்கும் போது, அவருடன் எட்டு பேர் படித்தனர். தற்போது இடஒதுக்கீடு மற்றும் நுழைவுத் தேர்வு ரத்து செய்யப்பட்டதன் மூலம், 250 பேர் மருத்துவப் படிப்பு, 15 ஆயிரம் பேர் இன்ஜினியரிங் படிக்கின்றனர். இடஒதுக்கீடுக்காக நடத்திய போராட்டங்கள் இன்றைய இளைய தலைமுறையினருக்கு தெரியாது.

                          போராட்டம், இடஒதுக்கீட்டால் கிடைக்கும் நன்மைகளையும் விளக்குவதற்காகவே இந்த முகாம் நடத்தப்படுகிறது. கடந்த லோக்சபா தேர்தலில் தமிழகத்தில் ஏழு தொகுதிகளில் பா.ம.க., போட்டியிட்டது. அனைவரும் ஒன்று சேர்ந்து திட்டமிட்டு ஏழு தொகுதிகளிலும் மாம்பழத்தைமிதித்து, நசுக்கி, பா.ம.க.,வை தோல்வியடைய வைத்து விட்டனர். தமிழகத்தில் பா.ம.க., ஆதரவு இன்றி யாரும் ஆட்சி அமைக்க முடியாது.

                         இரண்டரை கோடி வன்னியர்கள் கொண்ட தமிழகத்தில், அன்புமணி தலைமையில் ஆட்சி அமைய வேண்டும். அதற்கு இளைஞர்கள், இளம்பெண்கள் அனைவரும் அவர் பின்னால் அணிவகுத்து நிற்க வேண்டும். அப்போது தான் தமிழ்நாடு வறுமை நீங்கி, புதிய வரலாறு படைக்கும் என்றார்.

கடலூர் மாவட்ட செய்திகள்

Read more...

பெண்கள் மனது வைத்தால் பாமக ஆட்சிக்கு வரும்: ராமதாஸ்

ஓமலூர்:

              பெண்கள் மனது வைத்தால் பாமக ஆட்சிக்கு வரும் என்று ஓமலூரில் நடைபெற்ற நிகழ்ச்சியில் டாக்டர் ராமதாஸ் தெரிவித்தார்.  பென்னாகரம் சட்டமன்ற தொகுதி இடைத் தேர்தலின் போது கடைப்பிடிக்கப்பட்ட புதிய பிரசார உத்திகளை அடிப்படையாகக் கொண்டு, பாமக தங்களுக்கு வெற்றி வாய்ப்புள்ள தொகுதிகளில் மைக்ரோ பிளானிங் முகாமினை நடத்தி வருகிறது.

             இதன்படி ஓமலூர் சட்ட மன்றத் தொகுதியில் ஆக. 23-ம் தேதி முதல் நடைபெற்று வரும் மைக்ரோ பிளானிங் முகாமில் பாமக சட்டமன்ற உறுப்பினர்கள் 18 பேர் பங்கேற்றுள்ளனர். மைக்ரோ பிளானிங் முகாமின் முக்கிய நிகழ்ச்சியாக பாமகவின் இளைஞர் மற்றும் இளம்பெண்கள் அணியினருக்கான அரசியல் பயிலரங்க நிகழ்ச்சி வியாழக்கிழமை நடைபெற்றது.  ஓமலூர் சட்டமன்றத் தொகுதிக்குட்பட்ட தீவட்டிப்பட்டியில் அரசியல் பயிலரங்க பாமக மாநிலத் தலைவர் ஜி.கே.மணி தலைமை வகித்தார். 

நிகழ்ச்சிக்கு முன்னிலை வகித்த முன்னாள் மத்திய அமைச்சர் அன்புமணி பேசியது:  

               தமிழகத்தில் உள்ள நாற்பது சதவீத இளைஞர்களில் பெரும்பாலானோர் 15 வயதிலேயே மது குடிக்க ஆரம்பித்து விடுகின்றனர். பின்னர் அப்பழக்கத்திற்கு அடிமையாகி விடும் இளைஞர்களால் கிராம பகுதிகளில் உள்ள ஒரு குடும்பத்திற்கு மாதத்திற்கு  ரூ.2 ஆயிரத்து 400 முதல்  ரூ.5 ஆயிரம் வரை செலவாகிறது. இதனால் ஆயிரக்கணக்கான குடும்பங்கள் பொருளாதார சீரழிவில் சிக்கித் தவிக்கின்றன. இதுமட்டுமன்றி அளவுக்கு அதிகமான குடிப் பழக்கத்தினால் 25 வயதிலேயே ஏராளமான இளைஞர்கள் போதிய உடல் நலமின்றி உயிரிழக்க நேரிடுகிறது. இது போன்ற கொடுமைகளை தடுத்து நிறுத்தி இளைஞர்களை நல்வழிப்படுத்தும் வகையில் பாமக சார்பில் இளைஞர் மற்றும் இளம்பெண்கள் அணி உருவாக்கப்பட்டுள்ளது.

             இதன் மூலம் கிராமப்புற இளைஞர்களுக்கு சட்டமன்ற தொகுதி வாயிலாக அரசியல் பயிலரங்கம் நடத்தப்படவுள்ளது. மத்திய அரசின் ஊரக வேலைவாய்ப்பு உறுதி திட்டத்தினால் விவசாயப் பணிகள் பெருமளவில் பாதிக்கப்பட்டுள்ளன. இத்திட்டத்தில் உள்ள குறைபாடுகளை அரசு உடனடியாக சரி செய்ய வேண்டும்.  சிறப்பு பொருளாதார மண்டலங்கள் தொடங்கப்படுவதை பாமக எதிர்க்கவில்லை. ஆனால் நன்கு விளைச்சல் தரும் விவசாய நிலங்களை விட்டுவிட்டு, தரிசு நிலங்கள் நிறைந்த பகுதிகள் மற்றும் வறட்சி பாதித்த மாவட்டங்களில் சிறப்பு பொருளாதார மண்டலங்களை தொடங்க வேண்டும். இதன் மூலம் விளை நிலங்கள் காப்பாற்றப்படும் என்பதோடு வேலைவாய்ப்பும் கிடைக்கும் என்றார் முன்னாள் அமைச்சர் அன்புமணி.  

அரசியல் பயிலரங்கினை தொடங்கி வைத்து பாமக நிறுவனனர் டாக்டர் ராமதாஸ் பேசியது:  

               தமிழகத்தில் உள்ள இரண்டரைக் கோடி வன்னியர்களும் பாமகவிற்கு ஓட்டு போட்டால் பாமக ஆட்சியைப் பிடிக்கும். உத்தரபிரதேச மாநிலத்தில் மாயாவதிக்கும், பீகாரில் லல்லு பிரசாத் யாதவிற்கும் அவரவர் சார்ந்த சமுதாயத்தினர் தங்களுடைய ஒட்டுமொத்த ஆதரவினை தருகிறார்கள். இதைப் போன்ற ஆதரவினை வன்னிய சமுதாயத்தினர் வழங்கினால் தமிழகத்தில் பாமக ஆட்சியைப் பிடிக்கும்.  தமிழகத்தில் சாதிவாரி கணக்கெடுப்பை உடனடியாக தொடங்கினால் அதற்கேற்ப அனைத்து சமுதாயத்தினருக்கும் உரிய முறையில் இட ஒதுக்கீடு கிடைக்கும். ஆனால் சாதிவாரி கணக்கெடுப்பை தொடங்க முதலமைச்சர் கருணாநிதி பயப்படுகிறார். 

                  ஆனால் பாண்டிச்சேரி மாநிலத்தில் சாதிவாரி கணக்கெடுப்பை தொடங்குவதற்கு முதல்-அமைச்சர் வைத்திலிங்கம் அறிவித்துள்ளது வரவேற்கத்தக்கது. பாமகவைத் தவிர உயரிய கொள்கைகள் வேறெந்த கட்சியில் இருந்தாலும் அதில் இணைய தயார் என்று அறிவித்து ஒரு வருடத்திற்கு மேலாகியும் இதுவரை யாரும் அதற்கான கொள்கைகள் தங்களிடம் இருப்பதாக தெரிவிக்கவில்லை.  தமிழகத்தில் வேறெந்த அரசியல் கட்சியிலும் இல்லாத வகையில் பாமகவில் தான் அதிக அளவில் இளைஞர்கள் உள்ளனர். மாநில அளவில் சட்டமன்ற தொகுதி வாரியாக ஆறு லட்சம் இளைஞர்களுக்கு பாமக சார்பில் அரசியல் பயிற்சி அளிக்கப்படும். இவ்வாறு பயிற்சி பெறும் இளைஞர்கள் மற்றும் இளம்பெண்கள் தங்களுடைய கிராமங்களில் பாமக கொள்கை மற்றும் சாதனைகளை பொதுமக்களிடம் பிரசாரம் செய்ய வேண்டும்.

                      ஒவ்வொரு இளைஞரும் தலா 100 ஓட்டுகளை பாமகவிற்கு பெற்றுத்தரும் வகையில் செயலாற்ற வேண்டும். கிராமம், நகரம் என்ற வேறுபாடின்றி பெண்கள் தான் எங்கும் நீக்கமற நிறைந்துள்ளனர். பெண்களுக்கு பலனளிக்கும் வகையிலான பல்வேறு சமூக பணிகளை பாமக செய்து வருகிறது. சமூகத்தில் பெரும்பான்மை ஓட்டு வங்கியான பெண்கள் மனது வைத்தால் பாமக ஆட்சிக்கு வரும். அதற்கு இளம்பெண்கள் அணியினர் கடுமையாக உழைக்க வேண்டும் என்றார்.   முன்னாள் மத்திய இணை அமைச்சர் ஆர்.வேலு, சட்டமன்ற உறுப்பினர்கள் அ.தமிழரசு, வை.காவேரி, பெ.கண்ணன் உள்ளிட்ட பலர் கலந்து கொண்டனர்.

கடலூர் மாவட்ட செய்திகள்

Read more...

எந்த கூட்டணியிலும் இல்லை: ராமதாஸ்

          

 

     நாங்கள் தற்போது எந்த கூட்டணியிலும் இல்லை என்றும், தேர்தல் நேரத்தில் தான் அதுபற்றி அறிவிப்போம் என பாமக நிறுவனர் ராமதாஸ் கூறியுள்ளார்.

            பல்வேறு நிகழ்ச்சிகளில் கலந்து கொள்ள சேலம் வந்துள்ள பா.ம.க. நிறுவனர் ராமதாஸ், செய்தியாளர்களை சந்தித்தார். அப்போது செய்தியாளர்களின் கேள்விகளுக்கு பதில் அளித்தார்.

கேள்வி:  ஒவ்வொரு தொகுதிக்கும் சென்று ஆய்வு செய்து வருகிறீர்கள். பொறுப்பாளர்களும் நியமித்துள்ளீர்கள். இவர்கள் தான் தேர்தலில் நிற்பார்களா?

பதில்:  அப்படி இல்லை. அப்படி யாரையும் அறிவிக்கவில்லை. தேர்தல் நேரத்தில் தான் அறிவிப்போம். பணியாற்றுவதற்காக அவர்கள் நியமிக்கப்பட்டுள்ளனர்.

கேள்வி:  பா.ம.கவில் உள்ளவர்கள் மதுகுடித்தால் நடவடிக்கை எடுப்பீர்களா?

பதில்:  இன்று கூட மாநில இளைஞர் அணி கூட்டம் நடந்தது. இதில் கலந்து கொண்ட டாக்டர் அன்புமணிராமதாஸ், நிர்வாகிகளிடம் மது குடிக்ககூடாது. அது தெரிந்தால் பதவியை எடுத்து விடுவோம் என கூறி உள்ளார்.

கேள்வி: எந்த கட்சியுடன் கூட்டணி அமைப்பது குறித்து முடிவு எடுத்துவிட்டீர்களா?

பதில்:  கூட்டணி தேர்தல் நேரத்தில் தான் அறிவிப்போம். நிரந்தர எதிரியும் இல்லை. நிரந்தர நண்பனும் இல்லை . நாங்கள் தற்போது எந்த கூட்டணியிலும் இல்லை.


கேள்வி:  சேலத்தில் 6 பேர் கொலை செய்யப்பட்டுள்ளனர். இதில் சி.பி.சி.ஐ.டி போலீசார் விசாரிக்கிறார்கள். ஆனால் அரசியல் தலையீடு உள்ளதா என பார்க்க சி.பி.ஐ.விசாரணை வேண்டும் என்கிறார்களே?

பதில்: சி.பி.ஐ. விசாரித்தால் உண்மை தெரியும்.

கேள்வி:  பா.ம.க. வாக்கு வங்கி எப்படி உள்ளது?

பதில்: கூடி இருக்கிறது. இளைஞர்கள், இளம்பெண்கள் பலர் சேர்ந்து வருகிறார்கள் என்றார்.

கடலூர் மாவட்ட செய்திகள்

Read more...

தமிழக சட்டப் பேரவைத் தேர்தலுக்கு தயாராகிறது பாமக

ஓமலூர்:

              தமிழக சட்டப்பேரவைத் தேர்தல் எப்போது வரும் என்று தெரியாத நிலையிலும், எந்தக் கட்சியுடன் கூட்டணி என்று முடிவாகாத நிலையிலும் பாட்டாளி மக்கள் கட்சி, தேர்தலுக்கான முன்னேற்பாடுகளில் தீவிரம் காட்டத் தொடங்கியுள்ளது.

மைக்ரோ பிளானிங்: 

               2006-ல் நடைபெற்ற சட்டப்பேரவைத் தேர்தலில் திமுக கூட்டணியில் பாமக 31 இடங்களில் போட்டியிட்டு 18 இடங்களில் வெற்றி பெற்றது. தொடர்ந்து, 2009-ல் நடைபெற்ற மக்களவைத் தேர்தலில் அதிமுக கூட்டணியில் 7 இடங்களில் போட்டியிட்டு அனைத்து இடங்களிலும் தோல்வியைத் தழுவியது. இதைத் தொடர்ந்து நடைபெற்ற பென்னாகரம் தொகுதி இடைத்தேர்தலில் பாமக "மைக்ரோ பிளானிங்' என்ற புதிய திட்டத்தை ஏற்படுத்தி தனது பிரசார முறையை மாற்றிக் கொண்டு களத்தில் இறங்கியது.

                 இந்தத் திட்டப்படி முன்னாள் மத்திய அமைச்சர் அன்புமணி தலைமையில், சட்டப்பேரவை பாமக உறுப்பினர்கள் மற்றும் தலைவர்கள் குக்கிராமங்களுக்குச் சென்று மக்களோடு மக்களாக திண்ணையில் அமர்ந்து வித்தியாசமான முறையில் வாக்கு சேகரித்தனர். அப்போது, பாமக ஆட்சிக்கு வந்தால் என்னென்ன செய்வோம் என்று கூறி வாக்கு சேகரித்தனர்.

இப்போதும் அதே பாணி: 

                    இந்தத் தேர்தலில் பாமக வெற்றி பெற முடியாவிட்டாலும் இரண்டாவது இடத்தைப் பிடித்ததோடு தமிழக அரசியல் களத்தில் தன்னுடைய இருப்பை மீண்டும் புதுப்பித்துக் கொண்டது. 

               இதற்கிடையே வரும் சட்டப்பேரவைத் தேர்தலுக்கான களம் தயாராகாத நிலையில் தன்னுடைய வாக்கு வங்கியை பலப்படுத்திக் கொள்ளும் முயற்சியை இப்போது தொடங்கியுள்ளது. அண்மையில் சென்னையில் நடைபெற்ற கட்சியின் பொதுக்குழுக் கூட்டத்தில் பென்னாகரம் பார்முலா குறித்து விரிவாக ஆராயப்பட்டது. 

                இதன்படி, கட்சியை வளர்க்க வேண்டும் என்றால், 2011 பேரவைத் தேர்தலில் குறிப்பிடத்தகுந்த இடத்தைப் பெற்று ஆட்சியில் பங்கேற்க வேண்டும் என்றால், பென்னாகரம் பார்முலாதான் கை கொடுக்கும் என்று கட்சியின் மூத்த தலைவர்கள் பேசியுள்ளனர். இதையடுத்து கட்சியின் அனைத்து மேல்நிலைத் தலைவர்கள், எம்.எல்.ஏ.க்களும் ஒரு பேரவைத் தொகுதியில் 4 நாள்கள் வீதம் முகாமிட்டு கட்சியின் வளர்ச்சிப் பணிகள், உறுப்பினர் சேர்க்கை, கிளைகளை ஒருங்கிணைத்தல், கட்சிக் கொடியேற்று விழாக்கள் நடத்துதல் உள்ளிட்ட வழக்கமான பணிகளை மேற்கொள்ள உள்ளனர்.

சாதனைகளை விளக்கத் தயார்!  

                  அத்துடன் ஒவ்வொரு கிளையிலும் இளைஞர்களை குறிவைத்து இளைஞர், இளம்பெண்கள் அணியைத் தொடங்க உள்ளனர். கட்சியின் 18 எம்.எல்.ஏ.க்களும் பல்வேறு குழுக்களாகப் பிரிந்து தொகுதியின் அனைத்துப் பகுதிகளிலும், குக்கிராமங்களிலும் பொதுமக்களைச் சந்தித்து டாக்டர் ராமதாஸ், அன்புமணி ராமதாஸ் ஆகியோரின் சாதனைகள், கட்சியின் கொள்கைகள் குறித்து விளக்க உள்ளனர். "மைக்ரோ பிளானிங்' என்று பெயரிடப்பட்டுள்ள இத்திட்டம் பாமக எம்.எல்.ஏ.க்களின் தொகுதிகளில் இருந்தே தொடங்கப்பட உள்ளது. இத்திட்டத்தின்போது கட்சியில் இணையும் இளைஞர்களுக்கு ராமதாஸ் தலைமையில் தனியாக அரசியல் பயிற்சி அளிக்கவும் திட்டமிடப்பட்டுள்ளது.

அசைக்க முடியாத நம்பிக்கை: 

                    சேலம் மாவட்டத்தில் உள்ள ஓமலூர் சட்டப்பேரவைத் தொகுதியில் இந்தத் திட்டம் திங்கள்கிழமை (ஆகஸ்ட் 23) முதல் செயல்படுத்தப்பட உள்ளது. தற்போதைய எம்.எல்.ஏ. தமிழரசு, கட்சியின் புதிய திட்டம் மூலம் ஓமலூர் தொகுதியை மீண்டும் பாமக கைப்பற்றும் என்ற நம்பிக்கையில் உள்ளார். பாட்டாளி மக்கள் கட்சிக்கு மக்களவைத் தொகுதி தேர்தலில் ஏற்பட்ட பின்னடைவை, "மைக்ரோ பிளானிங்' சரி செய்யுமா என்பதை பொறுத்திருந்துதான் பார்க்க வேண்டும்.

கடலூர் மாவட்ட செய்திகள்

Read more...

நல்ல திட்டங்களை செயல்படுத்த பா.ம.க., ஆட்சிக்கு வரவேண்டும்: ராமதாஸ்

மாமல்லபுரம்: 

                பா.ம.க.,விடம் நல்ல திட்டங்கள் உள்ளன. இதை செயல்படுத்த பா.ம.க., ஆட்சி அதிகாரத்திற்கு வர வேண்டும் என திருக்கழுக்குன்றத்தில் நடந்த திருப்போரூர் தொகுதி பா.ம.க., களப்பணியாளர் பயிற்சி முகாமில், பா.ம.க., நிறுவனர் ராமதாஸ் பேசினார்.

முகாமில், பா.ம.க., நிறுவனர் ராமதாஸ் பேசியது: 

            மக்களுக்கு இலவசங்களை கொடுக்காமல், அவர்களுக்கு வாங்கும் சக்தியை உருவாக்க வேண்டும். அனைவரும் பிளஸ் 2 வரை கட்டாயம் கல்வி கற்க வேண்டும். அதற்குமேல் படிப்பவர்களுக்கும் அரசு இலவசக் கல்வி அளிக்க வேண்டும். அவர்களுக்கு அரசே வேலை வழங்க வேண்டும். படிக்க வைக்காத பெற்றோருக்கு அபராதம் விதிக்க வேண்டும். பல நல்ல திட்டங்கள் பா.ம.க.,விடம் உள்ளன. இதை செயல்படுத்த பா.ம.க., ஆட்சி அதிகாரத்திற்கு வர வேண்டும். இப்போது கூட்டணி வேண்டாம் என்கிறீர்கள். 

                        இது எனக்கு தெம்பை தருகிறது. கோடிக் கணக்கான ரூபாய்களை கொட்டி நம்மை மற்றவர்கள் இதுவரை ஏமாற்றினர். இனி நமக்கு பலகீனம் ஏற்படாது. நாம் வெற்றிபெறத்தான் எம்.எல்.ஏ.,க்கள் ஊர் ஊராக சுற்றி வருகின்றனர். கட்சியிலும், இளைஞர்களுக்குதான் இனி வாய்ப்பு. ஒவ்வொரு ஊர் கிளையிலும் 30 வயதிற்குள் உள்ள வாலிபர்தான் கிளைச் செயலர். வயதானவர்கள் கிளைத் தலைவராக மட்டுமே இருக்க வேண்டும். அதேபோல், பொருளாளர் பதவியில் இளம்பெண்கள் மட்டுமே இருக்க வேண்டும். காஞ்சிபுரம் மாவட்டம், பா.ம.க., கோட்டையாக மாற வேண்டும். அடுத்த சட்டசபை தேர்தலில் திருப்போரூர் தொகுதியில் செங்கல்பட்டு எம்.எல்.ஏ., ஆறுமுகம் போட்டியிடுகிறார். இவ்வாறு ராமதாஸ் பேசினார். முன்னாள் மத்திய அமைச்சர் அன்புமணி உட்பட பலர் கலந்து கொண்டனர்.

கடலூர் மாவட்ட செய்திகள்

Read more...

அரசியலில் நிரந்தர நண்பரும் இல்லை; எதிரியும் இல்லை : ராமதாஸ்

சென்னை :

                 ""அரசியலில் நிரந்தர நண்பரும் இல்லை; எதிரியும் இல்லை. அரசியலில் எதுவும் நடக்கலாம்,'' என அ.தி.மு.க.,வுடன் கூட்டணி குறித்த கேள்விக்கு, பா.ம.க., நிறுவனர் ராமதாஸ் சூசகமாக பதிலளித்தார். பா.ம.க., தலைமை நிர்வாகக்குழு கூட்டம் சென்னையில் நேற்று நடந்தது. பா.ம.க., நிறுவனர் ராமதாஸ், கட்சித் தலைவர் ஜி.கே.மணி, குரு உள்ளிட்ட நிர்வாகிகளும் கலந்து கொண்டனர்.

பா.ம.க. நிறுவனர்ராமதாஸ்  கூறியதாவது:

              குரு மீது போடப்பட்டுள்ள வழக்குகள் குறித்து பேசினோம். இது அரசின் பழி வாங்கும் நடவடிக்கை. அவரை கொலை செய்ய கூலிப்படையினரை ஏவி விட்டுள்ளனர். அது குறித்து உளவுத்துறை அதிகாரிகளுக்கு தகவல் கொடுத்துள்ளோம். அவருக்கு ஏதேனும் பாதிப்பு ஏற்பட்டால் போலீசார் தான் பொறுப்பு.கூட்டணி குறித்து முடிவு செய்ய பொதுக்குழு எனக்கு கொடுத்த அதிகாரத்தை, நிர்வாக குழுவும் அங்கீகரித்துள்ளது. 

                காங்கிரஸ் தலைமையில் மாற்று அணியென, காங்கிரசில் உள்ள, "வயதான' தலைவர்கள் பேசி கொண்டதை தான் நான் சொன்னேன். கூட்டணி குறித்து தி.மு.க., ஏதும் பேசவில்லை.அ.தி.மு.க.,வுடன் கூட்டணி வைப்பீர்களா என கேட்கிறீர்கள். அரசியலில் நிரந்தர நண்பனும் இல்லை; எதிரியும் இல்லை. அரசியலில் எதுவும் நடக்கலாம்.

               கூலிப்படையினரை ஏவி விடுவதாக குற்றம் சாட்டும் நீங்கள், தி.மு.க.,வுடன் கூட்டணி வைப்பது சாத்தியமா என கேட்கிறீர்கள்.இது குறித்தும் நிர்வாக குழுவில் விரிவாக பேசினோம். கூட்டணி குறித்து முடிவெடுக்கும் அதிகாரம் எனக்கு தரப்பட்டுள்ளது; கூட்டணியை நான் முடிவு செய்வேன்.பூரண மதுவிலக்கு வேண்டுமென்பதில் நாங்கள் உறுதியாக இருக்கிறோம். ஆக., 15 அன்று கொடியேற்றும் முதல்வர், பூரண மதுவிலக்கு குறித்து அறிவிக்க வேண்டும். ஜாதிவாரி கணக்கெடுப்பு குறித்து அரசு விரைவாக அறிவிக்க வேண்டும். டாஸ்மாக் ஊழியர்கள் நடத்தும் "ஸ்டிரைக்'கிற்கு எங்கள் முழு ஆதரவு உண்டு. அவர்களை எந்த வகையிலும் அரசு பழி வாங்க கூடாது.இவ்வாறு ராமதாஸ் கூறினார்.

கடலூர் மாவட்ட செய்திகள்

Read more...

பா.ம.க. தலைமையில் சமூக நீதிக் கூட்டணி: ராமதாஸ்

தேனி:

 

            தமிழகத்தில் நடைபெற உள்ள சட்டப்பேரவை பொதுத் தேர்தலில் பா.ம.க. தலைமையில் சமூக நீதிக் கூட்டணி அமையும் என்று அக் கட்சியின் நிறுவனர்  ராமதாஸ் கூறினார்.   

 

தேனியில் திங்கள்கிழமை  கட்சியின் நிறுவனர்  ராமதாஸ் கூறியதாவது:   

 

            இந்தியாவில் வேளாண்மை உற்பத்தி மற்றும் பரப்பளவு குறைந்து வருகிறது. 1990-ம் ஆண்டு நாட்டின் விவசாய உற்பத்தி 30 சதவீதமாக இருந்தது. தற்போது 18 சதவீதமாகக் குறைந்துள்ளது. 5 ஆண்டுகளில் உணவுக்காக வெளிநாடுகளை எதிர்பார்க்கும் நிலையில் இந்தியா உள்ளது.  கிராமப்புறங்களில் விவசாய நிலங்களை வெளி மாநிலத்தவர் வாங்கி வீட்டு மனைகளாக மாற்றி வருகின்றனர். 

 

          இதை முறைப்படுத்த உரிய சட்டம் கொண்டு வர வேண்டும்.    ஏழைகளின் நலன் கருதி பூரண மதுவிலக்கை முதல்வர் அறிவிக்க வேண்டும்.  முல்லைப் பெரியாறு பிரச்னையில் தமிழக அரசு முனைப்புடன் செயல்பட வேண்டும். நதிநீர்ப் பிரச்னைகளை சம்பந்தப்பட்ட மாநில  முதல்வர்கள், பிரதமர் ஆகியோர் பேசித் தீர்க்க வேண்டும். கல்வி நிறுவனங்களில் நீதிமன்றம் மற்றும் அரசு உத்தரவின்படி நிர்ணயிக்கப்பட்ட கல்வி கட்டணம் வசூலிக்கப்படுவதில்லை. சம்பந்தப்பட்ட அதிகாரிகள் இதை கண்காணித்து நடவடிக்கை எடுக்க முன்வரவேண்டும்.  

 

             பா.ம.க. தலைமையில் 1991 மற்றும் 1996-ம் ஆண்டுகளில் சமூக நீதிக் கூட்டணி அமைக்கப்பட்டது. தமிழகத்தில் நடைபெற உள்ள பொதுத் தேர்தலிலும் பா.ம.க. தலைமையில் சமூக நீதிக் கூட்டணி அமையும் வாய்ப்பு உள்ளது. பா.ம.க. தனித்துப் போட்டியிட்டாலும் 20 இடங்களைக் கைப்பற்றும். கம்யூனிஸ்ட் கட்சி தலைமையில் கூட்டணி என்ற பேச்சுக்கு இடமில்லை. கம்யூனிஸ்ட் தனியாக கூட்டணி அமைத்ததும் இல்லை.    தி.மு.க. அரசுக்கு மதிப்பீடு கொடுக்க நான் தயாராக இல்லை. தேர்தலில் மக்கள்தான் மதிóப்பீடு வழங்க வேண்டும். டாஸ்மாக் தொழிலாளர்கள் போராட்டத்துக்கு பா.ம.க. முழு ஆதரவு அளிக்கிறது என்றார் ராமதாஸ்.

கடலூர் மாவட்ட செய்திகள்

Read more...

தேர்தலுக்கு ஆயத்தம் பற்றி பா.ம.க. ஆலோசனை: இன்று தலைமை நிர்வாகக் குழு கூட்டம்

 

சென்னை:

 

           பா.ம.க. தலைமை நிர்வாகக் குழு கூட்டம் சென்னையில் செவ்வாய்க்கிழமை (ஆக.10) நடக்கிறது.

 

           கட்சியின் நிறுவனர் ராமதாஸ் தலைமையில் நடக்கும் இக் கூட்டத்தில் முன்னாள் மத்திய அமைச்சர் அன்புமணி, கட்சித் தலைவர் ஜி.கே. மணி உள்ளிட்டோர் கலந்து கொள்கின்றனர். தற்போதைய அரசியல் நிலவரம் குறித்து இக் கூட்டத்தில் விவாதிக்கப்படும் என்றும், அடுத்த ஆண்டு நடக்கவுள்ள சட்டப்பேரவைத் தேர்தலைச் சந்திக்க கட்சியை தயார்படுத்துவதற்கான செயல்திட்டங்கள் குறித்து ஆலோசிக்கப்படும் என்றும் கட்சித் தலைவர் ஜி.கே. மணி தெரிவித்துள்ளார்.

 

          மிழக மக்களைப் பெரிதும் பாதித்து வரும் விலைவாசி உயர்வு, மின்வெட்டு உள்ளிட்ட பிரச்னைகள் குறித்து விவாதித்து முடிவுகள் மேற்கொள்ளப்பட உள்ளதாகவும் அவர் தெரிவித்துள்ளார்.

 

இரு தினங்களுக்கு முன்பு பேசிய ராமதாஸ், 

 

          இப்போது திமுக, அதிமுக என எந்தக் கூட்டணியிலும் பா.ம.க. இல்லை என்று கூறியிருந்தார். அத்துடன் காங்கிரஸ் தலைமையில் புதிய கூட்டணி உருவாக வேண்டும் என்றும் விருப்பம் தெரிவித்திருந்தார். மூத்த காங்கிரஸ் தலைவர் ஈ.வி.கே.எஸ். இளங்கோவன் இந்தக் கருத்துக்கு ஆதரவு தெரிவித்தார். ராமதாஸ் இதுபோன்ற நல்ல யோசனைகளை எப்போதாவது தெரிவிப்பார் என இளங்கோவன் கூறினார்.

 

          இதற்கிடையில் வன்னியர் சங்கத் தலைவர் காடுவெட்டி குரு மீது போலீஸôர் வழக்குகள் பதிவு செய்துள்ளனர். வன்னியருக்கு தனியாக 20 சதவீத இடஒதுக்கீடு கேட்கும் போராட்டத்தில், அரசுக்கு எதிராக மக்களைத் தூண்டிவிடும் வகையில் பேசினார் என்ற புகாரின் அடிப்படையில் வழக்குகள் பதிவு செய்யப்பட்டுள்ளன. கடந்த முறை மத்திய அமைச்சர் ஆ. ராசா பற்றி காடுவெட்டி குரு பேசியதன் தொடர்ச்சியாகத்தான் திமுக கூட்டணியில் இருந்து பாமக வெளியேற நேரிட்டது. அதைத் தொடர்ந்து குரு கைது செய்யப்பட்டு, தேசிய பாதுகாப்பு சட்டத்திலும் சிறை வைக்கப்பட்டார். அவ்வாறு சிறை வைக்கப்பட்டதில் தவறில்லை என்று நீதிமன்றம் கூறியது.

 

            இருந்தாலும் மக்களவைத் தேர்தல் நெருங்கும் நேரத்தில் திமுக கூட்டணியில் பா.ம.க. சேரக்கூடும் என்ற கருத்து பரவியது. அப்போது காடுவெட்டி குரு மீதான கைது நடவடிக்கை கைவிடப்பட்டது. இப்போது மறுபடியும் காடுவெட்டி குரு மீது வழக்கு பதிவு செய்யப்பட்டிருப்பது, பா.ம.க.வுக்கு மிரட்டல் விடுக்கும் செயல்பாடா என்ற கருத்து கட்சியினரிடையே ஏற்பட்டுள்ளது. எனவே இந்தச் சூழ்நிலையில் எந்த வகையான அணுகுமுறையைக் கையாள்வது என்பது பற்றியும் இக் கூட்டத்தில் விவாதிக்கப்படும் என எதிர்பார்க்கப்படுகிறது.

 

                     பென்னாகரம் இடைத்தேர்தலின் போது வீடு வீடாகச் சென்று வன்னிய சமூகத்தவரின் ஆதரவைப் பெற்றதைப் போல, கணிசமான தொகுதிகளைத் தேர்வு செய்து தங்கள் ஆதரவை வலுப்படுத்திக் கொண்டு, தேர்தல் நேரத்தில் தொகுதிப் பங்கீடு பற்றிப் பேசலாம் என்ற கருத்து கட்சிக்குள் இருப்பதாகத் தெரிகிறது. அந்த வகையில் செயல் திட்டங்களை உருவாக்குவது பற்றியும் கூட்டத்தில் விவாதிக்கப்படும் என கட்சி வட்டாரங்கள் கூறுகின்றன.

கடலூர் மாவட்ட செய்திகள்

Read more...

தமிழகத்தில் முன்கூட்டியே தேர்தல் வர வாய்ப்பில்லை: டாக்டர் எஸ்.ராமதாஸ்

பரமக்குடி:

         தமிழகத்தில் முன்கூட்டியே தேர்தல் வர வாய்ப்பில்லை என பா.ம.க. நிறுவனர் டாக்டர் எஸ்.ராமதாஸ் தெரிவித்தார்.

பரமக்குடியில் ஞாயிற்றுக்கிழமை கட்சிப் பொறுப்பாளர்களின் பாராட்டு விழாவில் பங்கேற்க வந்த அவர்  கூறியதாவது:

            சமூகநீதிக் கட்சியான பா.ம.க.வில் தென் மாவட்டங்களில் நாடார், முக்குலத்தோர், பிள்ளைமார், யாதவர் ஆகிய சமுதாயத் தினருக்கும் முக்கிய பொறுப்புகள் கொடுக்கப்பட்டுள்ளது. எஸ்.சி. என்பது பட்டியல் சாதியினர். இதனை பெயர் மாற்றம் செய்ய வேண்டும். அரசு ஆவணங்களில் தேவேந்திரகுலத்தினர் பல்வேறு பெயர்களில் பதிவு செய்யப்பட்டுள்ளனர். இதனை மாற்றி தேவேந்திரகுலத்தார் என்ற ஒரே பெயரில் அழைக்க வேண்டும். அருந்ததியருக்கு வழங்கப்படுவது போல் தேவேந்திரர்களுக்கும் உள்ஒதுக்கீடு வழங்கப்பட வேண்டும்.

                 வைகை மற்றும் தாமிரபரணி ஆற்றில் 5 கி.மீட்டருக்கு ஒரு தடுப்பணை கட்டப்பட வேண்டும். பூரண மதுவிலக்கு வேண்டும் என 20 ஆண்டுகளாக போராடி வருகிறோம். தற்போது 13 வயது இளைஞர்களும் குடிக்கும் நிலை உருவாகியுள்ளது. இந்நிலை நீடித்தால் அடுத்த 5 அல்லது 10 ஆண்டுக்குள் குடிக்காதவர்களே இல்லை என்ற நிலை உருவாகும். இதனால் 34 மாவட்டங்களிலும் மகளிரைத் திரட்டி மது ஒழிப்பு போராட்டம் நடத்தியுள்ளோம். கடந்த 3 ஆண்டுகளில் குறைகளை சுட்டிக்காட்டியதால் தி.மு.க. கூட்டணியிலிருந்து வெளியேற்றப்பட்டோம். தமிழகத்தில் முன்கூட்டியே தேர்தல் வர வாய்ப்பில்லை. கூட்டணி குறித்து தேர்தல் நேரத்தில் பேசி முடிவெடுக்கப்படும் என்றார்.

கடலூர் மாவட்ட செய்திகள்

Read more...